分析完隻雞膶的結構後，可以正式開爐炒雞膶了。
首先準備好廚具 - 手機 / 電腦，然後加入配料：
在雞膶揀選了心水單位後，手起刀落，將你的意向價通知代理。但要知英國的二手物業，很少會開天殺價，所以議價空間唔係好大，只有幾個%上落，有些業主會企硬唔減，甚至會有反價情況出現。
要準確落刀，最好與代理問料摸底，否則有時斬得太深，代理會覺得你毫無誠意，傾都唔同你傾，仲隨時幫埋其家競爭買家鋤價，免費送人一程。界得太淺，可能皮都唔到，浪費子彈。有時遇到筍貨同人爭，仲要懂得「霸王攔路，快人一步」。
噤..新手入廚，點樣落刀先至啱？
英國買樓同香港唔同，買家唔使俾佣，代理只收業主佣。而且仲唔使落臨時訂金，大家講過信字。但要預先委託律師樓，揀啱單位就要通知自己律師與業主律師聯繫辦手續，通常要先支付幾百鎊給自己的律師樓，律師才會幫你出信辦手續。
噤...會唔會有業主反口唔賣？
當然會有，業主可能因買唔到換樓單位（要留意廣告是否Chain free property-無連鎖物業），又或者有其他買家出高價搶貨，都有可能令業主唔賣俾你。業主只需通知買方律師停止交易就可以了，亦唔需要賠訂（因為都無收過訂金）。但買家付了的律師費就不能取回，因為律師真係幫你做過嘢，已付出過時間（不論幾多時間）。
如果順利過度，現金購房的，兩個月左右就會成交。要做按揭的，成交時間就會長一點，有些個案甚至超過半年時間。所以事前要辦妥英國銀行開戶手續，但無需真係要去英國開戶，只需隔山在香港匯豐銀行 / 東亞銀行開英國戶口就可以了。
開了英國戶口之後，在香港要將有關律師費、稅費及樓款等費用，先對換成英鎊，再匯到自己英國的戶口，或直接匯到自己律師樓的帳戶就可以了。律師樓會將有關合約文件email 給你，你只要將文件打印出來，填妥資料及簽名，再將文件速遞到英國律師樓，你的律師就會與業主律師辦理買賣手續，及到英國政府部門登記樓契文件。
在此提醒一下，英國的律師對買家資金來源，相比香港的律師較為嚴謹，買方可能需提供最少6個月的銀行月結單及相關文件，証明購房資金是從哪裡得來。例如：銀行加按、賣樓套現、股票得益、家人饋贈、儲蓄或退休金等。而所有文件及證件副本，都要經香港律師做公證，然後寄速遞給英國律師作實，才可正式成交。
物業完成交易後，物業代理就會幫你收樓，然後代你找租客。如果單位是連租約買入的話，物業代理亦會與租客辦理轉租約手續，日後的租金會轉交給你。
英國物業代理的業務範疇，不只是協助買賣租賃，更會作為租務管理，代業主收租及代辦維修等事宜。一般租務管理的收費是每月租金的8-10%，租金是先交到代理的帳戶，扣除所有租務管理費、大廈管理費、維修及雜費後，餘額才會入到業主英國的帳戶。如果你有親戚朋友在英國居住或讀書，又有能力及願意幫你管理租務的話，當然就可慳番這畢費用。
買英國物業，由揀樓到成交後收租，大家都可以在香港越洋操作，真的做到以當地市場價「隔山買牛自由行」。但如果操作過程中，遇到實際上或技術上的困難，可隨時發電郵給我：roypun18@gmail.com， 或致電 / WhatsApp：51253535，本人樂於以私人顧問方式，了解閣下實際情況及要求，協助辦理全程手續。
（文章中之資料為網上搜集及其他媒體報導中節錄，可能在時間及數據上會有所偏差，只可作為分析參考資料，本人聲明並不能確保其準確性及負責因而引致的投資損失）
沒有留言:
張貼留言